Xabaal wadareed Dad aay laayeen Khawaarijta Alshabaab oo laga helay Degmada B/weyne.

Xabaal wadareed Dad aay ay laayeen Khawaarijta Al Shabaab ayaa saakay laga helay degmada Beled weyne ee Gobolka Hiiraan ee dhawaan laga fara maroojiyey Khawaarijta.

Wararka saaka laga helayo magaalada Baladweyne ee gobolka Hiiraan ayaa waxa ay sheegayaan in halkaasi lagu arkay islamarkaana laga soo saaray xabaal wadareed ay ku aasnaayeen ku dhawaad 20 ruux oo ay khawaarijtu laayeen sida sheegeen dadka deegaanka.

Goobjoogayaasha ayaa waxa ay sheegeen in xabaal wadareedkaasi laga soo saaray meydadkaasi uu ku yaalo xaafadda Kooshin ee dhacda Bariga magaalada Baladweyne ee gobolka Hiiraan.

Wararka ayaa waxa ay sheegayaan in meydadka halkaasi ku aasan ay qaarkood ahaayeen dad shacab ah oo ay laayeen Al Shabaab iyo kuwa kale oo horay uga mid ahaa Al Shabaab kuwaasi oo ku geeriyooday dagaaladii ka dhacay deegaano ka mid ah gobolka Hiiraan.

Mas’uuliyiinta Maamulka Dooxada Shabelle oo hormuud u ahaa howlgalka lagu soo saaray meydadka ku aasnaa xabaalo wadareedka ayaa waxa ay sheegeen in saacadaha soo socda ay usoo bandhigayaan dadka shacabka ah iyo waliba Saxaafadd maydadkaasi, waana markii ugu horaysay oo xabaal wadareed noocaani oo kale ah lagu arko magaalada Baladweyne.

Xaruunta Wararka Shaaficiyah