Shirkii 5/aad ee Culumaa´udiinka Soomaaliyeed ee Ahlusunna waljamaaca ee Qaaradda Yurub oo Xalay Si Rasmi ah loogu soo gebagebeeyey Magaalada Stockholm ee Waddanka Sweden.

Sheekh Maxamuud Guriceel

Shirkaan oo ahaa mid ka mid Shirar Culumada Ahlusunna waljamaaca aay Sanadkiiba mar isugu yimaadaan ayaa wuxuu ah mid si weyn uga bedelan Shirarkii hore Xagga Qaban qaabada , Soodhaweynta iyo Farsamadaba .

Shirkaan oo aay ka soo qayb galeen Dadweyne aad iyo aad u fara badan oo runtii aay dad badani istaagga ku dhegeysanayeen sida ka muuqata Sawirada ayaa 3/dii Maalmood ee Shirkani socday waxaa ka baxday 9/Muxaadaro iyo Nadwadii oo aheyd Qaybtii ugu Dambeeysay Maalintii Seddexaad oo aheyd Shalay oo Axad aheyd.

Waxaa iyana Xusid Mudan looguna Bishaareynayaa Ummadda Soomaaliyeed ee Muslimiinta ah gaar ahaan Bahda Ahlusunna waljamaaca Meel kasta oo aay Caalamka ka joogaan in Seddexdii Maalmood ee uu Shirku socday si Live ah loo daabacay Muxaadarooyinkaas Nuqol ka badan 600/oo DVD, iyadoo haddana gacanta lagu hayo in ka badan 1800/ oo DVD oo qaar weli shaqadii ku socoto si loo gaarsiiyo Dhammaan Daafaha Caalamka si Ummaddu uga badbaado Fitnada Khawaarijta Wahaabiyada ah ku heyso Caalamka gaar ahaan Soomaaliya.

Sheekh C/Rasaaq Yuusuf Aadan

Haddaba Shirkii shalay oo aay ka Muxadareeyeen Culumo aay ka mid ahaayeen Fadiilatu Sheekh Maxamuud Maxamed Cali oo ku Magac dheer Sheekh Guriceel oo Sheekh isugu Marti geliyey Shirkaas ayaa waxaa iyana shalay halkaas Muxaadaroouin aad loo jecleysatay halkaas ka soo jeediyey Fadiilatu Sheekh C/Risaaq Yuusuf Aadan Guddoomiyihii Hore ee Culumaa´udiinka soomaaliyeed ee Ahlusunna Waljamaaca , iyo Caalimka Weyn ee Qaaradda Yurub Fadiilatu Sheekh Cali Nuur Cilmi, halka uu ka xiriirinayey Dr. Sheekh C/Fitaax Cabdirashiid Sheekh Yuusuf oo ahSheekh Azhari ah.

Sheekh Cali Nuur Cilmi

Waxaa iyana in la Xuso mudan Howl wadeenada Nidaamka Shirka oo iyagu Laba UsbuucShirka ka hor Howshaan u soo hor maray si aay u sugaan Nidaamka Shirka , iyaga oo welibana ka kala yimid gobollo iyo waddama kala duwan , kuwaas oo kala ahaa Fadiilatu Sheekh Cabdirisaaq Yuusuf oo ahaa Shirguddoonka, Dr, Rashiid Sheekh Maxamed oo ah Dhakhtar Soomaaliyeed kuna Xeel dheer Qaban qaabada Shirarka Noocaan oo kala ah in muddo ahna ku soo dhex jiray, iyo weliba Dr. Sheekh Maxamed Khaliif oo ah Sheekh Dhammaan Muxaadarooyinkii Baxay si kooban ugu turjumay Luqada Ingiriiska si caalamka oo idil loo wada gaarsiiyo una fahmaan ujeeddooyinka Shirka .

Guddoomiyaha Guddiga Soo dhaweynta Macallin Faarax Cumar Xaji

Waxaa isna aan marnaba la hilmaami karin Guddoomiyaha Guddiga Soodhaweynta Macallim Faarax Cumar Haaji oo aad loogu maqsuuday Qaabka Soo dhaweynta isaga iyo Kooxdiisa , iyaga oo aan meeshana ka maqneyn Dhallinyarada Quddamada ahaa ee isugu jiray Wiilasha iyo Gabdhaha , kuwaas oo aay astaan u aheyd Jaakad Jaalle ah oo aay Dhabarka dambe kaga taal Astaanta Ahlusunna waljamaaca sida ka muuqada Sawiradooda.

Sheekh Cali iyo Sheekh Cabbaas

Shalay waxaa ka jawaabay Dhammaan Su´aalihii Dadweynuhu soo gudbiyeen Caalimka reer Yurub Fadiilatu Sheekh Cali Nuur Cilmi, iyada oo uu Su´aalahana weydiinayey Qoraaga D´ada yar Sheekh Cabbaas Xaaji Maxamed Sheekh Yuusuf Sheekh Magaalada Borås ee Wadanka Sweden.

Ugu Dambeyntii Dr. Sheekh Maxamed Khaliif ayaa Dadweynaha hortooda wuxuu ka akhriyey Bayaankii Culumadu ka soo saareen Shirka waxaana Shirkii Seddexda Maalmood socday soo Xiray Shir guddoonka Shirka Sheekh C/Risaaq Yusuf Aadan , shirkiina wuxuu ku dhammaaday Jawi Farxad iyo reyn reeyni ku dheehantahay ka naxoow Nafta waa ku farxoow kor allaha kaa yeelo Amiiiiiiiiiiiiiiiiiin!!!!!!