Ra’isul Wasaare Abiy oo safarkii ugu horeeyay ku tagay dalka Qadar (Daawo Sawirada)

0

Ra’iisul Wasaaraha dalka Itoobiya Abiy Axmed iyo wafdi uu hogaaminayay ayaa maanta safar ku tagay magaalada Doha ee caasimada dalka Qadar, waxa uuna dalkaasi kula kulmi doonaa Amiirka dalka Qadar iyo Masuuliyiin kale.

Garoonka Diyaaradaha magaalada Doha waxaa kusoo dhaweeyay Ra’isul Wasaare Abiy Axmed Wasiiro katirsan dowlada Qadar iyo Masuuliyiin kale, waxaana Abiy loo galbiyay Hotel gaar ah oo loo diyaariyay.

Ra’isul Wasaaraha Itoobiya ayaa kulamo gaar ah la qaadan doona Amiirka dalka Qadar, waxaana labada masuul ay kawada hadli doonaan arimo dhowr ah ay kamid tahay xoojinta xiriirka labada dal.

Safarkan uu ku tagay Ra’isul Wasaare Abiy ku tagay dalka Qadar ayaa noqonaya kii ugu horeeyay uu dalkaasi ku tago tan iyo markii xilka uu qabtay, waxa uuna horey dhoor mar booqasho ugu tagay dalalka Imaaraadka iyo Sacuudiga oo xiriirka u jaray Qadar.

Share.

About Author

Leave A Reply