Kacdoonkii Shacabka iyo Ciidamada oo Koofur galbeed gaaray

0

Ciidanka xoogga dalka ee ku sugan dowlad goboleedka K/Galbeed ayaa howlgalo ay ka sameeyeen degaanno ka tirsan gobolka Baay waxay kula wareegeen degaano ay gacanta ku hayeen kooxda Al-Shabaab.

Degaanadan oo hoos taga degaanka Daynuunaay ee gobolka Bay ayaa waxaa ka mid ah Baayale, Caliyow Dooyow, Xaawa Dhaaysile, Boorame, Karanoy iyo Daawuudow.

Dadka degaanka oo hubeysan ayaa la soo sheegayaa iney ka qeyb qaateen howlgaladan oo la soo sheegayo iney weli socdaan.

“Howlgalkan ayaa waxaa  jab culus lagu gaarsiiyay maleeshiyaadka argagixisada ah ee Al-shabaab oo shacabka ku dhibaateynayay degaannadaasi” ayuu yiri sarkaal ka tirsan ciidanka xoogga dalka oo howlgaladaas ka qeyb qaadanayey.

Ciidanka xoogga oo kaashanaya dadka deegaanka ayaa sido kale  howlgal ay ka sameeyeen inta u dhaxeysa degmooyinka Berdaale iyo Qansaxdheere waxay kaga sareen kooxda Alshabaab.

Kacdoon ay wadaan shacabka iyo beelaha qaarkood ayaa ka socda gobolada Hiiraan, Galgaduud, Bay, Bakool, Mudug iyo Meelo kale kaasoo ka dhan ah Al-shabaab, waxaana kacdoonkan taageeraya ciidamada dowlada Somalia.

 

Share.

About Author

Leave A Reply